सत्ता गठबन्धन बैठकः मन्त्रिपरिषद विस्तारबारे छलफल

२०७८ आश्विन ७

काठमाडौँ । सत्तारुढ गठबन्धनमा आवद्ध दलहरुको आजको बैठक बस्दैछ । प्रधानमन्त्रीको सरकारी निवास बालुवाटरमा आज अपरान्ह बस्ने बैठकमा मन्त्रिपरिषद विस्तारबारे छलफल हुनेछ ।

यसअघि बुधबार बसेको बैठक बिना निष्कर्ष टुंगिएको थियो । हिजोको बैठकमा सहभागी एक नेताले आजको बैठकमा मन्त्रिपरिषद् विस्तारको विषयमा छलफल गर्ने निर्णय नभएको बताए ।

बैठकमा प्रधानमन्त्री एवम् नेपाली कांग्रेस सभापति शेरबहादुर देउवा, कानुनमन्त्री ज्ञानेन्द्रबहादुर कार्की, नेकपा (माओवादी केन्द्र) का अध्यक्ष पुष्पकमल दाहाल‘प्रचण्ड’, नेकपा (एकीकृत समाजवादी) का अध्यक्ष माधवकुमार नेपाल, जनता समाजवादी पार्टी (जसपा) का अध्यक्ष उपेन्द्र यादव, संघीय परिषद् अध्यक्ष डा. बाबुराम भट्टराई, माओवादी केन्द्रका नेता नारायणकाजी श्रेष्ठलगायत नेताहरु उपस्थित भएका थिए ।