सभामुख सापकोटाले संसदमा प्रतिनिधित्व गर्ने दलहरुसँग छलफल गर्दै

काठमाडौं । सभामुख अग्निप्रसाद सापकोटाले आजदेखि संसदमा प्रतिनिधित्व गर्ने राजनीतिक दलहरुसँग छलफल गर्न शुरु गर्दैछन ।

आगामी आइतवार संसद बैठक डाकिएको अवस्थामा सभामुखले राजनीतिक दलहरुसँग बैठकको तयारीबारे परामर्श गर्न लागेका हुन । यसअघि सभामुख सापकोटाले हिजो संसद भवन नयाँ बानेश्वर पुगेर सभाहल र अन्य कक्षहरुको अवलोकन गरेका थिए ।

त्यस क्रममा संचारकर्मीहरुलाई संक्षिप्त प्रतिक्रिया दिंदै सापकोटाले आजदेखि दलहरुसँग परामर्श गर्ने बताएका थिए । सर्वोच्च अदालतको फैसलाले पुर्नस्थापित भएको प्रतिनिधिसभा र जारी राजनीतिक अवस्थाकाबीच संसद बैठक व्यवस्थित ढंगले सञ्चालन गर्नु सभामुख सापकोटाका लागि निकै चुनौतीपूर्ण देखिएको छ ।

Advertisement

बैठक सञ्चालनका लागि संसद सचिवालयले आवश्यक सम्पूर्ण तयारी पुरा गरिसकेको जनाएको छ ।