सरकार–नेकपाबीच तीन बुँदे सहमति, प्रधानमन्त्री र विप्लवले संयुक्त सम्बोधन गर्ने

काठमाडाैं–सरकारी वार्ता टोली र ‘विप्लव’को वार्ता टोलीबीच तीन बुँदे सहमति भएसँगै शुक्रबार नेत्रविक्रम चन्द ‘विप्लव’ सार्वजनिक हुने भएका छन्।  दुई पक्षबीच भएको सहमतिसँगै प्रधानमन्त्री केपी शर्मा ओली र ‘विप्लव’ले  एउटै मञ्चबाट संयुक्त सम्बोधन गर्ने भएका छन्।

शुक्रबार राष्ट्रिय सभागृहमा विशेष समारोह आयोजना गरिने र सोही समारोहबाट सहमतिको विस्तृत विवरण सार्वजनिक गरिने बताइएको छ। फागुन २१ गते दिउँसो २ बजे विशेष समारोहलाई प्रधानमन्त्री ओली र नेकपा महासचिव ‘विप्लव’ले सम्बोधन गर्न लागेका हुन्। सोही अवसरमा दुई पक्षबीच भएको सहमतिसमेत सार्वजनिक गरिने बताइएको छ।

बिहीबारको वार्तापछि सरकारी वार्ता टोलीका संयोजक एवम् गृहमन्त्री रामबहादुर थापा ‘बादल’ र ‘विप्लव’ समूहको वार्ता टोली संयोजक एवम् प्रवक्ता खड्कबहादुर विश्वकर्माले हस्ताक्षर गरेको संयुक्त प्रेस नोटमा सरकार र विप्लव समूहबीच तीन बुँदे सहमति पत्रमा हस्ताक्षर भएको उल्लेख छ।

Advertisement