विश्वासको मत दिन सकिँदैन: महन्थ-राजेन्द्र

काठमाडौं- जनता समाजवादी पार्टी (जसपा)का अध्यक्ष महन्थ ठाकुर र वरिष्ठ नेता राजेन्द्र महतोले प्रधानमन्त्री केपी शर्मा ओलीलाई भेटेर विश्वासको मत दिन नसकिने बताएका छन्।

जसपा अध्यक्ष ठाकुर र नेता महतोले आइतबार प्रधानमन्त्री ओलीलाई बालुवाटामार भेटेर आफूहरूले मत दिन नसक्ने जानकारी गराएका हुन्। 

प्रधानमन्त्री ओलीसँगको भेटपछि महतोले भने, ‘हामीले सरकारलाई विश्वासको मत दिन नसकिने जानकारी गरायौं।’

Advertisement

आफूले उठाएका कतिपय माग/मुद्दा सम्बोधन भएपनि कति सम्बोधनको प्रक्रियामा रहेकाले विश्वासको मत दिन नसकिने अवगत गराएको उनले बताए।