लेते आसपासमा जहाज दुर्घटनाको खबर, स्थलगत पुष्टि गर्न गयो सेना

काठमाडौं । तारा एअरको हराएको विमान खोजी गर्नका लागि सेनाको टोली सम्भावित दुर्घटनास्थलतर्फ गइसकेको बताइएको छ। मुस्ताङको लेते आसपासमा दुर्घटना भएको भन्ने खबर त्यहाँका स्थानीयले नागरिक उड्डयन प्राधिकरणलाई दिएको र प्रधिकरणले सेनालाई दिएपछि स्थलगत पुष्टि गर्नका लागि सेनाको टोली पैदल मार्गबाट गएको हो । 

नागरिक उड्ययन प्राधिकरणबाट स्थानीयले खबर गरेको भनेर मुस्ताङको लेतेको आसपासमा नौलीकोट भन्ने ठाउँमा घटना भएको भन्ने खबर आएको र त्यस नजिक घाँसा सेनाको पोष्टबाट फिजिकल्ली कन्फर्मेसन गर्नका लागि पैदल मार्गबाट सेना गएको स्रोतले जनाएको छ ।

काठमाडौंबाट हेलिकोप्टर उडिसकेको पनि जनाइएको छ ।

Advertisement