निर्वाचन आयोगले ‘शीर्ष’ ठानेका नेतालाई अहिले नै ‘विजयी’ घोषणा गरिदिए कसो होला ?’

काठमाडौं । नेकपा एमालेका नेता भीम रावल निर्वाचन आयोगप्रति आक्रोशित बनेका छन् ।

आयोगले सामाजिक सञ्जालमा झुठा पेज र ग्रुप बनाएर भ्रामक प्रचार गर्नेलाई कारबाही गर्ने बताएपछि कडा टिप्पणी गरेका हुन् । उनले ट्वीटरमा भनेका, ‘कसैलाई मतदान गरौं वा नगरौं भन्न नपाइने भए निर्वाचन आयोगले ‘शीर्ष’ ठानेका नेतालाई अहिले नै ‘विजयी’ घोषणा गरिदिए कसो होला ?’

आयोगको भनाइ नेपालको संविधानको धारा १७ को विचार र अभिव्यक्तिको स्वतन्त्रता र १९ को सञ्चारको हकविरूद्ध रहेको रावलको दाबी छ ।

Advertisement

मंगलबार साँझ निर्वाचन आयोगले एक सूचना जारी गर्दै शीर्ष नेताबारे सामाजिक सञ्जालमा ‘नो नट अगेन’ लेख्नेलाई कारबाही गर्ने चेतावनी दिएको छ। यस्तो गतिविधि गर्नेलाई पाँच लाख रुपैयाँसम्म जरिवाना र कैद गर्ने चेतावनी दिँदै आयोगले त्यस्ता फेसबूक पेज तथा ग्रुपहरु बन्द गर्न निर्देशनसमेत दिएको छ।