कतारमा बृहत रक्तदान कार्यक्रम आयोजनामा हुँदै

२०७९ आश्विन २४

सारदा भुजेल

दोहा । गोरखा सेवा समाज कतारले बृहत रक्तदान कार्यक्रम आयोजना गर्ने भएको छ । समाजले नेपाली रक्तदाता संघको समन्वयमा बृहत रक्तदान कार्यक्रम आयोजना गर्ने भएको हो ।

‘रक्तदान, जीवन दान’ भन्ने नाराका साथ आगामी अक्टोबर १४ तारिख शुक्रवारका दिन हमाद अस्पतालको नयाँ ब्लड डोनर केन्द्रमा कार्यक्रम आयोजना गरिएको नेपाली रक्तदाता संघका अध्यक्ष रामजी खत्रीले जानकारी दिए ।

कतारमा स्थापित सामाजिक, वैचारिक तथा जातीय संघ संस्थाहरू, पत्रकारहरू, बुद्धिजीवी, समाजसेवी, व्यवसायीहरू लगायत कतारलाई कर्मथलो बनाएर रहेका सम्पूर्ण नेपालीहरुलाई रक्तदान कार्यक्रममा सहभागी भइदिन रक्तदाता संघका अध्यक्ष खत्रीले अनुरोध गरेका छन् ।

कार्यक्रम बिहान ८ बजेदेखि १२ बजेसम्म हुनेछ । ‘रक्तदान जीवन दान’ मुलमन्त्र आत्मसात गर्दै स्वस्थ रगत संकलन कार्यमा सहयोग पु¥याउने उद्देश्यका साथ समाजले प्रत्येक ६÷६ महिनामा रक्तदान कार्यक्रम आयोजना गर्ने समेत जनाएको छ ।