आजको मौसम पुर्वानुमान: हल्का वर्षाको सम्भावना

काठमाडाैं–अहिले देशमा पश्चिमी वायुको आंशिक प्रभाव रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ। महाशाखाका अनुसार देशभरको मौसम सामान्यतया सफा रहेको छ ।

प्रदेश १ तथा गण्डकी प्रदेशका पहाडी भू–भागमा आंशिकदेखि सामान्य बदली रहेको छ भने बाँकी प्रदेशका पहाडी भू–भागमा आंशिक बदली रहेको छ ।

दिउँसो देशको पहाडी भू–भागहरुमा आंशिकदेखि सामान्य बदली रही बाँकी भू–भागहरूमा मौसम सामान्यतया सफा रहनेछ । देशको पहाडी भू–भागका केही स्थानमा हल्का वर्षाको सम्भावनासमेत रहेको छ ।

Advertisement

त्यसैगरी, राति देशको पहाडी भू–भागमा आंशिकदेखि सामान्य बदली रही बाँकी भू–भागहरूमा मौसम सामान्यतया सफा रहने विभागको भनाइ छ।