४६ करोड ठगी गरेको आरोपमा सिभिल बैंकका अध्यक्ष इच्छाराज तामाङ पक्राउ

२०७८ आश्विन १९

काठमाडौ । पूर्व सांसद तथा सिभिल बैंकका अध्यक्ष इच्छाराज तामाङ पक्राउ परेका छन् । तामाङलाई केन्द्रीय अनुसन्धान ब्यूरो (सिआइबी) ले ठगी र रकम हिनामिनाको आरोपमा सोमबार सुनधाराबाट पक्राउ गरेको हो ।

सिआइबीका अनुसार तामाङलाई तत्कालीन सिभिल सेभिङ एण्ड क्रेडिट सहकारी संस्था लिमिटेडमा निक्षेप कर्ताले राखेको रकम हिनामिना गरेको आरोपमा पक्राउ गरिएको हो । निक्षेपकर्ताको रकम हिनामिना र ठगीको आरोपमा तामाङलाई गरिएको छ । तामाङविरद्ध हालसम्म ४४ करोडभन्दा बढी रकम ठगी र हिनामिना भएको उजुरी प्राप्त परेको छ ।

तामाङले सिभिल सहकारीमा निक्षेपकर्ताले जम्मा गरेको ४६ करोड ठगी गरेको आरोप छ । उनलाई सम्पती शुद्धीकरण अनुसन्धान विभागले पनि अनुसन्धान गरिरहेको छ । विभागले उनिसँग पटक–पटक बयान लिएको छ । बयानका क्रममा इच्छाराज तामाङले पेश गरेको कागजात सम्पती शुद्धीकरणले विश्लेषण गरिरहेको छ ।