भाउजुको हत्या गरी फरार रहेका व्यक्ति ४ महिनापछि पक्राउ

२०७९ जेष्ठ १६

काठमाडौं : आफ्नी भाउजूलाई पेट्रोल छर्किएर आगो लगाउने देवर पक्राउ परेका छन्। सप्तरीको बोदेबरसाइन नगरपालिका-१ धनगढीका २० वर्षीय परमेश्‍वर साहलाई सप्तरी प्रहरीले आइतबार पक्राउ गरेको हो।

उनले गत माघ २१ गते बिहान ९ बजे २७ वर्षीया भाउजु राजकुमारी साहलाई पेट्रोल छर्की आगो लगाई हत्या गरेका थिए। घटनापछि मृतकका श्रीमान् ३० वर्षका रविन साह आफ्नै भाइले श्रीमती मारेको उजुरी लिएर सप्तरी प्रहरीमा पुगेको थिए।

घटनापछि फरार रहेका साहलाई इलाका प्रहरी कार्यालय बोदेबरसाइनबाट खटिएको टोलीले गाउँघरमै लुकीछिपी बसेको अवस्थामा फेला पारेको हो। उनलाई सोमबार जिल्ला अदालत सप्तरीबाट प्रहरी हिरासतमा राख्न १० दिनको म्याद थप गरी अनुसन्धान भइरहेको सप्तरीका डिएसपी माधवप्रसाद काफ्लेले जानकारी दिए।