पोर्चुगल जान ११ लाख रुपैयाँ लाग्छ भन्दै ठगी गर्ने व्यक्ति पक्राउ

२०७९ असार १७

काठमाडौं । सिम कार्ड डुप्लिकेशन गरी रकम ठगी गरेको अभियोगमा एकजना पक्राउ परेका छन् । पक्राउ पर्नेमा मकवानपुर हेडौंडा उपमहानगरपालिका–१७ ठेगाना भएका ४१ वर्षीय गोपी बजगाईलाई रहेका छन् ।

बजगाईलाई बिहीबार काठमाडौं महानगरपालिका–३१ नयाँबानेश्वरबाट पक्राउ गरेको प्रहरीले जनाएको छ ।

सामाजिक संजाल फेसबुक तथा व्याटसएपमा बैदेशिक रोजगारको लागि पोर्चुगल लैजान ११ लाख रुपैयाँ लाग्छ भन्दै पीडित व्यक्तिहरुको सक्कल राहदानी, नागरिकता, सम्पत्ति बिबरण कागज समेत लिई झुक्याई पीडितको नागरिकताबाट सिमकार्ड समेत अर्को निकाली बैंक खाता समेतमा पहुँच राखी मोवाइल बैकिङ्ग सेवा बनाई बैंक खातामा रहेको रकम निकाली ठगी गर्ने कार्यमा संलग्न रहेका उनलाई काठमाडौ उपत्यका अपराध अनुसन्धान कार्यालय मिनभवनबाट खटिएको प्रहरीले पक्राउ गरेको हो ।