झापामा प्रतिबन्धित लागुऔषधसहित चार जना पक्राउ

२०७९ आश्विन १२

दमक । झापामा प्रतिबन्धित लागुऔषधसहित चार जना पक्राउ परेका छन् । झापाको मेचीनगर नगरपालिका–६ बाट १ जना र बिर्तामोड नगरपालिका–५ स्थितबाट ३ जनालाई प्रहरीले प्रतिबन्धित लागुऔषधसहित पक्राउ गरेको हो ।

हिजो अपरान्ह साढे ४ बजे इलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकारभिट्टाबाट खटिएको प्रहरी टोलीले भारतबाट नेपाल तर्फ पैदल आउदै गरेका रामेछाप नगरपालिका–८ रामेछापका ३० बर्षीय बिजय लामालाई संकालागि चेकजाँच गर्दा उनको साथबाट ७५ ग्राम ब्राउन सुगर बरामद गरेको हो । यसै गरी इलाका प्रहरी कार्यालय अनारमनी र लागुऔषध नियन्त्रण ब्युरो काँकारभिट्टाको प्रहरी टोलीले चेक जाँचको क्रममा बिर्तामोड–५ स्थितबाट माई नगरपालिका–२ इलामका २२ बर्षीय केबिन्द्र गोले, २७ बर्षीय गोम्वु दोर्जे गोले र फाल्गुनानन्द गाउँपालिका–५ पाँचथरका ३२ बर्षीय सन्त लिम्बु समेत तीनै जनालाई १३ ग्राम ब्राउन सुगरसहित पक्राउ गरेको हो ।

प्रतिबन्धित ब्राउन सुगरसहित पक्राउ परेका उनिहरुको थप अनुसन्धान भईरहेको प्रहरीले जनाएको छ ।