आफ्नै चार वर्षीय भतिजको हत्या गरेको अभियोगमा युवक पक्राउ

धनुषा । आफ्नै भतिजको हत्या गरेको अभियोगमा एकजना पक्राउ परेका छन् । ४ वर्षीय भतिज अनुष पासवानको हत्या गरेको अभियोगमा क्षिरेश्वरनाथ नगरपालिका–५ बस्ने २८ वर्षीय रवी पासवानलाई बुधबार दिउँसो प्रहरीले पक्राउ गरेको हो ।

प्रहरीका अनुसार रवीले फलामको रड प्रहार गर्दा गम्भीर घाइते भएका अनुषको महेन्द्रनगर हेल्थ केयरमा उपचारको क्रममा मत्यु भएको हो ।

अभियुक्त पासवानलाई ईलाका प्रहरी कार्यालय महेन्द्रनगरबाट खटिएको प्रहरीले पक्राउ गरेका हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।

Advertisement