झापामा घाँस काट्न जाँदा हँसिया प्रहार गरी जेठाजुको हत्या, बुहारी पक्राउ

२०७९ पुष ९

दमक । झापामा जेठाजुको हत्यामा संलग्न रहेको आरोपमा बुहारी पक्राउ परेकी छन् । झापाको कनकाई नगरपालिका–४ का ५५ बर्षीय पदम लाल बास्तोलाको हत्यामा संलग्न उनकै बुहारीलाई प्रहरीले पक्राउ गरेको हो । पक्राउ पर्नेमा (भाई बुहारी) कनकाई नगरपालिका–४ कि ४८ बर्षीया रनमाया बास्तोला रहेकि छन् ।

प्रहरीका अनुसार पुस ७ गते बिहिबार शिवसताक्षी नगरपालिका–१० स्थित माईखोलाको बगरको काँस घारीमा पदम लाल बास्तोला मृत अवस्थामा फेला परेका थिए । घटनाको अनुसन्धानको क्रममा रनमाया बास्तोलाले पुस ६ गते मृतक बस्तोलासँगै घाँस काट्न गएको बेला हँसिया प्रहार गरी हत्या गरेको खुल्न आएको छ ।

पुस ८ गते हत्यामा प्रयोग भएको हँसियासहित पक्राउ परेकी रनमायाको इलाका प्रहरी कार्यालय झिलझिलेबाट थप अनुसन्धान भईरहेको जिल्ला प्रहरी कार्यालय झापाले जनाएको छ ।