बीमा दाबी गर्न आफ्नै गाडी जलाउने पक्राउ

काठमाडौं । बर्दियामा बीमा दाबी गर्न आफ्नै गाडी जलाउने एक जना पक्राउ परेका छन्।पक्राउ पर्नेमा मधुवन नगरपालिका-२ गंगापटुवा बस्ने रामु चौधरीलाई पक्राउ रहेका छन् ।

प्रहरीका अनुसार मधुवन नगरपालिका-४ बसन्तामा लु २ ख २०८४ नम्बरको सेतो रंगको फोर्स गाडीमा आगलागी भएको थियो। आगलागी भएको खबर पाएपछि प्रहरी पुग्दा गाडीको पुरै भाग जलेर नष्ट भइसकेको थियो।

घटनास्थलमा कोही पनि फेला नपरेको र अनुसन्धानको क्रममा प्रहरीले चालक चौधरीलाई पक्राउ गरेको प्रहरीले जनाएको छ । उनीमाथि सोधपुछ गर्दा बीमाको रकम लिनको लागि जलाएको भन्ने खुलेको हो

Advertisement

उनले प्रहरीलाई बताए अनुसार माघ २० गते गाडी बिग्रिएको थियो। मर्मत गर्न बढी रकम लाग्ने भएपछि चालकले आइतबार राति ८ बजेतिर उक्त गाडी जंगलमा लगेर डिजेल छर्केर आगजनी गरेका थिए। 

त्यसपछि घर फर्किएका उनलाई सोमबार प्रहरीले पक्राउ गरेको हो।