एनसेलको सेयर बिक्रीबारे अध्ययन गर्न प्रधानमन्त्री प्रचण्डको निर्देशन

२०८० मंसिर १८

काठमाडौं । प्रधानमन्त्री पुष्पकमल दाहाल प्रचण्डले दूरसञ्चार सेवा प्रदायक कम्पनी एनसेलको शेयर बिक्री बारे बुझ्न सम्बन्धित निकायलाई निर्देशन दिएका छन् । उनले मुलुकबाहिरै ८० प्रतिशत सेयर खरिद–बिक्रीको विषयमा छानबिन गर्न निर्देशन दिएका हुन् ।

प्रधानमन्त्री दाहालको सचिवालयका अनुसार एनसेलको सेयर बिक्रीबारे चासो व्यक्त गर्दै अध्ययनको निर्देशन दिएका हुन् ।

एनसेलको सेयर बिक्रीका सम्बन्धमा प्रकाशित समाचारहरूप्रति प्रधानमन्‍त्री पुष्पकमल दाहालको गम्भीर चासो व्यक्त गरेको र प्रधानमन्‍त्रीले यस सम्बन्धमा प्रचलित कानुनी प्रावधानको पालना भए नभएको, सेयर बिक्री वितरण गर्दा प्रचलित विधि र प्रक्रिया पालना भए नभएको एवं यसबाट नेपाल नेपालको दूरसञ्‍चार क्षेत्र र विदेशी लगानीमा पर्ने असर तथा नेपाल सरकारको राजस्वलगायतका विषयमा पर्ने प्रभावका बारेमा सम्बन्धित निकायलाई शीघ्र अध्ययन गर्न निर्देशन दिएका हुन् ।