लघुवित्त ऋणीहरुद्धारा संसद भवनभित्रै पसेर विरोध प्रदर्शन

काठमाडौं । लघुवित्त ऋणीहरुले नयाँ बानेश्वरस्थित संसद भवनभित्रै पसेर विरोध प्रदर्शन गरेका छन् । संसद भवनमा बैठक सञ्चालन भइरहेको बेलामा लघुवित्त ऋणीहरुले परिसरमै पुगेर नारबाजी गरेका हुन् ।

लघुवित्त ऋणीहरू पैदल हिँडेर काठमाडौंमा आन्दोलन गर्न आएका छन् । उनीहरू संसद्को तीन नम्बर गेटबाट भित्र छिरेका थिए ।

सरकारले संघीय संसद् वरपरको क्षेत्रलाई निषेधित क्षेत्र तोकेको छ । संसद् भवनभित्र छिर्न पनि कडा जाँच हुन्छ । तर लघुवित्त ऋणीहरुले निषेधति क्षेत्र तोडेर प्रदर्शन गरेसँगै केही प्रदर्शनकारीहरु पक्राउ परेका हुन्् ।

Advertisement

उनीहरुले आफूहरु गोली खान पनि तयार रहेको भन्दै संस्द परिसरभित्रै सुतेर विरोध जनाएका थिए । गेटमा एकैपटक धेरै जना आएपछि सुरक्षाकर्मीले रोक्न सकेका थिएनन् ।