पदैलयात्रीलाई ठक्कर दिई फरार रहेका टिपर चालक पक्राउ

काठमाडौं । काठमाडौं महानगरपालिका–१० बिजुली बजारमा पदैलयात्रीलाई ठक्कर दिई फरार रहेका टिपर चालक पक्राउ परेका छन् । बा.२ ख ५१४५ नम्बरको टिपरका चालक भक्तपुर सल्लाघारी बस्ने सिन्धुपाल्चोक सेलाङ–५ घर भएका ३६ वर्षीय दुर्गा श्रेष्ठलाई प्रहरीले पक्राउ गरेको हो ।

पैदलयात्री भक्तपुर व्यसी बस्ने कालिकोट पंचाल झरना गाउँपालिका–२ घर भएका २२ वर्षीय बिपिन बिकलाई टिपरले आइतबार राति ठक्कर दिँदा बिपिनको मृत्यु भएको थियो ।

फरार चालकको खोजिमा काठमाडौंबाट खटिएको प्रहरीले पेप्सीकोला खहरेमा लुकाई राखेको उक्त टिपर सहित श्रेष्ठलाई सैनिक प्रहरीको सहयोगबाट प्रकाउ गरिएको हो ।

Advertisement

यस सम्बन्धमा थप अनुसन्धान भइरहेको महानगरीय प्रहरी परिसर काठमाडौंले जनाएको छ ।