शिक्षामा देखिएको विभेद् हटाउन सामुदायिक विद्यालयको गुणस्तर तत्काल सुधार गर्नुपर्ने

२०८० पुष १७

काठमाडौं। नेपालमा शिक्षामा देखिएको विभेद् हटाउन सामुदायिक विद्यालयको गुणस्तर तत्काल सुधार गर्नुपर्ने विश्वविद्यालय अनुदान आयोगका अध्यक्ष देवराज अधिकारीले बताए । मंगलबार काठमाडौंमा आयोजित दोस्रो ‘कान्तिपुर एजुकेसन समिट-२०८०’ को पहिलो सत्र ‘उच्च शिक्षा कानुन गर्भमा, विद्यालय शिक्षा विधेयक विवाद’ विषयक अन्तरक्रियामा बोल्दै उनले यस्तो बताएका हुन् ।

उनले विद्यालयतहको शिक्षा गुणस्तरिय नहुनुको असर उच्च शिक्षामा देखिएकाले सामुदायिक विद्यालयको गुणस्तर सुधारका लागि ढिलाई गर्न नहुने पनि बताए ।

उनको भनाइ थियो । यसका लागि संसदमा विचाराधिन अवस्थामा रहेको विद्यालय शिक्षा विधेयक यथाशक्य पारित गर्नुपर्ने र निजीक्षेत्रको योगदान बिर्सने बेला भइनसकेको पनि बताए।

बढीभन्दा बढी विद्यार्थी निजी विद्यालयमा रहेको र गुणस्तर पनि तुलनात्मक रुपमा राम्रो रहेको तर, सरकारले एकै पटक सबै निजी विद्यालयहरुलाई सामुदायिक बनाउनु पर्ने नीतिगत व्यवस्था गर्न लागेकाले त्यसबाट पर्ने सम्भावित असरबारे पनि सोच्नुपर्ने उनको भनाई छ ।