प्रचण्ड–नेपाल पक्षको स्थायी कमिटी बैठक दिउँसो ३ बजे बस्ने

काठमाडौं— नेकपा माधव–प्रचण्ड समूहले बोलाएको स्थायी कमिटी बैठक सरेको छ। सोमबार बिहान ११ बजेका लागि बोलाइएको स्थायी कमिटी बैठक आवश्यक तयारी गर्नुपर्ने भएकाले सारिएको बताइएको छ। बैठक दिउँसो ३ बजे बस्ने गरी सारिएको उक्त समूहका नेता देवेन्द्र पौडेलले जानकारी दिए ।

सर्वोच्चको हिजोको फैसलाबारे कानुनी र राजनीतिक छलफल आवश्यक भएकाले बैठक सारिएको उनको भनाइ थियो।

सर्वोच्च अदालतले आइतबार नेकपाको नाम ऋषि कट्टेल अध्यक्ष रहेको पार्टीलाई दिएर तत्कालीन एमाले र माओवादी केन्द्र ब्युँताएदिएपछि उत्पन्न राजनीतिक जटिलता र आगामी रणनीतिबारे छलफल गर्न दाहाल–नेपाल समूहले स्थायी कमिटी बैठक बोलाएको हो।

Advertisement

अदालतको फैसलालगत्तै यो समूहका शीर्ष नेताले कानुन व्यवसायीसँग पनि छलफलसमेत गरेका थिए।