इगल एफएमका सञ्चारकर्मीहरूद्धारा विद्यार्थीलाई न्यानो स्विटर वितरण

पान्थर । इगल एफएम ९९.४ मेगाहर्ज पाचथरका सञ्चारकर्मीहरूद्धारा विद्यार्थीहरुलाई न्यानो स्विटर वितरण गरिएको छ । संचारकर्मीहरु मौसम सम्बाहाम्फे, सुनिता खजुम र सङ्गिता सुहाङद्वारा कुम्मायक गाउपालिका ४ साबिक रानिगाउँ ६ को सिंहबाहिनी आधारभूत विद्यालयका विद्यार्थीलाई स्विटर र टाइ वितरण गरिएको हो ।

इगल एफएमको कार्यक्रम प्रस्तोता र प्राविधिक शाखामा समेत काम गरिरहेका सम्बाहाम्फे र खजुमले निजि श्रोत र टिकटक एप्समार्फत जम्मा हुन आएको ३८ हजार रकमले ४१ जना विद्यार्थीलाई सो सामग्री बितरण हुन् ।

यसैगरी सामाजिक कार्यमा उत्तरदायी बन्दै फिदिम नगरपालिकाको गढी माध्यमिक विद्यालयका १५ जना दृष्टिवीहिनहरुलाई पनि मंगलबार १२ हजार रुपैयाँ मुल्य बराबरको ट्राउजर र हाइनेक वितरण गरिएको एक संचारकर्मीले बताए ।

Advertisement

विद्यालय व्यवस्थापन समितिका अध्यक्ष राजु खतिवडा, वडा सदस्य विष्णुलाल चौलागाईं, प्रधानाध्यापक केदार सम्बाहाम्फे साथै समाजसेवी छबिलाल खजुम, शिक्षक गोविन्द खतिवडाको उपस्थितिमा विद्यालयमा अध्यनरत सबै विद्यार्थीलाई सो सामग्री वितरण गरिएको थियो ।

सिंहवाहिनी आधारभूत विद्यालयको प्राङ्गणमा आयोजित सो कार्यक्रममा अन्थाक यासोक मोटर बाटोको कारण विद्यालयको अवस्था जिर्ण बनाउदै लगेकोले हारगुहार माग्दा समेत कुनै निकायको ध्यानाकर्षण नभएको गुनासो शिक्षक गोविन्द खतिवडाले राखेका थिए ।