२२ जना प्रहरीलाई सात दिनभित्र सम्पर्कमा आउन निर्देशन

काठमाडौं । प्रहरी प्रधान कार्यालयले
२२ जना प्रहरीलाई सात दिनभित्र सम्पर्कमा आउन निर्देशन दिएको छ । आफूखुशी गैरहाजिर भएका प्रहरी सहायक निरीक्षक, प्रहरी हवलदार, प्रहरी सहायक हवलदार र प्रहरी जवान गरी आफूखुशी गैरहाजिर रहेका २२ जना प्रहरीलाई चित्तबुझ्दो स्पष्टिकरणसहित ७ दिनभित्र सम्पर्कमा आउन भनेको हो।

काठमाडौं उपत्यका प्रहरी कन्ट्रोल रूम समन्वय शाखा, रानीपोखरीमा कार्यरत प्रहरी सहायक निरीक्षक जेम्स हाङ सोदेम्बा साउन २४ गतेदेखि गैरहाजिर छन्।

प्रहरी चौकी माङजाबुङ पाँचथरमा कार्यरत प्रहरी हवलदार डम्बर नारायण चौधरी भदौ २९ गतेदेखि गैरहाजिर छन्। विभिन्न मितिदेखि गैरहाजिर रहेका प्रहरीहरूको खोजतलास गराउँदा तथा सूचना टाँस गर्दासमेत सम्पर्कमा नआएको प्रहरी हेडक्वार्टरले जनाएको छ।

Advertisement

उनीहरूलाई सूचना प्रकाशन भएदेखि बाटोको म्यादबाहेक ७ दिनभित्र सन्तोषजनक स्पष्टीकरणसहित सम्पर्कमा नआए सेवाबाट हटाउने चेतावनीसमेत दिएको छ।