त्रिशूली नदीमा ट्याक्सीसहित खसेकामध्ये पाँच जनाको शव फेला

काठमाडाैं। त्रिशूली नदीमा ट्याक्सीसहित खसेकामध्ये पाँच जनाको शव फेला परेको छ । ट्याक्सीबाट पाँच जनालाई मृत अवस्थामा निकालिएको प्रहरीले जनाएको छ। 

प्रहरीका अनुसार मृत्यु हुनेमा एक बालिका, २ पुरुष र २ जना महिला रहेका छन् । मृतकको पहिचान खुलिसकेको छैन ।

काठमाडौंबाट गोरखा जाँदै गरेको बा२ज ४१९६ नम्बरको ट्याक्सीमा आज बिहान चितवनको इच्छाकामना–५ पृथ्वी राजमार्गस्थित सिमलधाराबाट त्रिशूली नदीमा खसेको थियो । 

Advertisement

ट्याक्सीमा ६ जना सवार रहेको हुन सक्ने जानकारी आए पनि यकिन हुन नसकेको प्रहरीकाे भनाइ छ ।