खेलकुद मन्त्री बने महेश्वर गहतराज

काठमाडौं । युवा तथा खेलकुद मन्त्रीको जिम्मेवारी महेश्वर गहतराजले प्राप्त गरेका छन् ।

सत्ता गठबन्धन आबद्ध दल माओबादी केन्द्रको सिफारिसमा प्रधानमन्त्री शेरबहादुर देउवाले गहतराजलाई युवा तथा खेलकुद मन्त्रीमा नियुक्त गरेका हुन् ।

गहतराजले शुक्रबारनै पद तथा गोपनियताको शपथ लिएका छन् ।

Advertisement

माओवादीका केन्द्रिय नेता गहतराजले पहिलो पटक मन्त्रीको जिम्मेवारी प्राप्त गरेका हुन् ।

उनी बाँके क्षेत्र नम्बर एकबाट निर्वाचित सांसद हुन् ।

सुरुवातमा खेलकुद मन्त्रालय कांग्रेसको भागमा परेको थियो । अन्तिम समयमा प्रधानमन्त्री देउवाले माओवादीको भागमा परेको खानेपानी मन्त्रालय आफुले राख्न चाहेपछि गहतराजले खेलकुद मन्त्रालयको जिम्मेवारी प्राप्त गरेका हुन् ।

माओवादी स्थायी कमिटी बैठकले गहतराज सहित देबेन्द्र पौडेल र शशि श्रेष्ठलाई सरकारमा पठाउने निर्णय गरेको थियो ।

माओवादी जनयुद्ध कालका कमाण्डर नेता गहतराज पार्टीभित्र वैचारिक र शालिन नेताको रुपमा चिनिन्छन् ।