नेपालमामिला संवाददाताAdvertisement
November 10, 2026, Tuesday
२०८३ कार्तिक २४
1:37:26 pm
२०७९ जेष्ठ ४
काठमाडौं । इंग्लिस प्रिमियर लिग फुटबलमा लिभरपुलले पुनरागमन जित निकालेको छ ।
लिभरपुलले मंगलबार राति पुनरागमन गर्दै साउथह्याम्पटनलाई २-१ गोल अन्तरले हराएको छ ।
लिभरपुललाई जित दिलाउन ताकुमी मिनामिनो र जोएल माटिपले एक एक गोल गरे ।
खेलको १३ औं मिनेटमा नाथन रेडमोन्डले गोल गर्दै साउथह्याम्पटनलाई सुरुआती अग्रता दिलाएका थिए ।
तर, २७ औं मिनेटमा मिनामिनोले गोल गर्दै लिभरपुललाई १-१ गोलको बराबरीमा फर्काए ।
त्यसपछि खेलको ६७ औं मिनेटमा माटिपले गोल गर्दै लिभरपुललाई २-१ को जित दिलाए ।
यस जितसँगै लिभरपुलले उपाधिको होड कायम राखेको छ ।
लिभरपुलले ३७ खेलमा ८९ अंक जोडेको छ ।
लिभरपुल दोस्रो स्थानमा रहेको छ ।
साउथह्याम्पटन ४० अंक जोडेर १५ औं स्थानमा रहेको छ ।
