आज बसेको सत्तारूढ गठबन्धनको बैठक सकियो, ८ गते फेरि बस्ने

काठमाडौं । प्रधानमन्त्री निवास बालुवाटारमा बसेको सत्तारूढ गठबन्धनको बैठक सकिएको छ । अमेरिकी सहयोग परियोजना एमसिसी संसदमा पेस गर्ने विषयमा छलफल गर्न बसेको बैठक आज पनि निष्कर्षमा पुग्न सकेन ।

बैठकबाट बाहिरिँदै एकीकृत समाजवादीका अध्यक्ष माधवकुमार नेपालले फेरि ८ गते बैठक बस्ने गरी आजको बैठक सकिएको जानकारी दिए । नेपालले आज एमसिसी संसदमा पेस नगर्न प्रधानमन्त्री सहमत भएको पनि जानकारी दिए ।

आजको बैठकमा नेपालसहित प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका अध्यक्ष उपेन्द्र यादव सहभागी थिए ।

Advertisement