काँग्रेसबाट बागी उम्मेदवारी दिएका जगन्नाथ पौडेलसहितका नेताहरू पार्टीबाट निस्कासित

काठमाडौं । भरतपुर उपमहानगरपालिकामा काँग्रेसबाट बागी उम्मेदवारी दिएका जगन्नाथ पौडेलसहित नेताहरू निस्कासनमा परेका छन् । काँग्रेसको निर्णयअनुसार शुक्रबार अपरान्ह ५ बजेभित्र उम्मेदवारी फिर्ता नलिएका बागी उम्मेदवारलाई स्वत पार्टीबाट निस्कासनमा परेका हुन् ।

काँग्रेस मुख्यसचिव कृष्णप्रसाद पौडेलले आजै विज्ञप्ति निकालेर बागी उम्मेदवारलाई उम्मेदवारी फिर्ता लिन भनेका थिए ।

काँग्रेसले विद्रोही उम्मेदवार, निजको प्रस्तावक र समर्थक पार्टीबाट स्वतः निस्कासन गर्ने निर्णय गरेको छ ।

Advertisement

यसअघि काँग्रेस सभापति शेरबहादुर देउवाले बिहीबार र शेखर कोइरालाले बागी उम्मेदवारलाई पार्टी मुलप्रवाहमा आउन अपिल गरेका थिए ।