अवैध क्यासिनोमा प्रहरीकाे छापा

२०७७ फाल्गुन २१

काठमाडौं– ताहाचलस्थित प्लाटिनम होटलमा अवैध रुपमा सञ्चालन गरिएको मिनि क्यासिनोमा प्रहरीले छापा मारेर १० जनालाई पक्राउ गरेको छ। उक्त होटलको अन्डरग्राण्डमा सञ्चालित क्यासिनो सिएमजी क्लब अवैध रुपमा सञ्चालन भएको सूचना आएपछि महानगरीय प्रहरी वृत्त कालिमाटीको टोलीले छापा मारेको थियो।

सोक्रममा क्यासिनो सञ्चालन गर्ने र खेलाउने गरेर १० जना पक्राउ परेका हुन्। उनीहरुबाट २२ लाख ९६ हजार ८० रुपैयाँ बरामद भएको छ। क्यासिनोमा खेल्न गएका भारत मोतिहारीका रन्जितकुमार जैसवाल, सोहन प्रसाद, मुमताज मियाँ, शेख मुर्तुजा अलि, जनकपुरका राजकुमार सिंह र बाराका टिन्कुप्रसाद पक्राउ परेका छन्।

अवैध क्यासिनो सञ्चालन गर्ने क्यासिनोका मेनेजर महेश मल्ल, सहायक मेनेजर कमलदेव चौधरी, एडमिन स्टाफ अजय यादव, क्यासियर सचिन वाग्लेसमेत पक्राउ परेका छन्