ओलीले गफमा विद्यावारिधी गरेका छन् : माधव नेपाल

काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले रेनु दाहाल क्षमता भएकैले राजनीतिमा आएको बताएका छन् । भरतपुरमा आयोजित गठबन्धनको सभामा बोल्दै नेपालले रेनु प्रचण्डको छोरी नभएर क्षमताका आधारमा भरतपुर महानगरपालिकाको मेयरको उम्मेदवार बनेको टिप्पणी गरेका हुन् ।

नेपालले भने, ‘छोरी भयो भनेर अर्को पार्टीमा जानु भन्ने ? व्यवसायीले पनि छोराछोरीलाई क्षमता छ भने व्यवसायमै आउन प्रोत्साहन गर्छ ।’ योग्यताका आधारमा रेनु दाहालले उत्कृष्ट कार्य गरेको नेता नेपालको भनाई थियो ।

यस्तै, नेपालले ओलीको कडा आलोचना गर्दै गणतन्त्र विरोधीको संज्ञा दिए । नेपालले भने,‘ओली वलयगाडा दर्शनका प्रवर्तक हो । गणतन्त्रका लागि आन्दोलन हुँदा निराशाको कुरा गरेका थिए ।’

Advertisement

उनले ओलीले गफमा मान्छे भुलाउन सक्ने बताउँदै भने,‘ओलीले गफमा विद्यावारिधी गरेका छन् ।’ यस्तै ओलीले गणतन्त्रविरोधीसँग साँठगाँठ गरेको आरोप समेत लगाए ।