संघीय विद्यार्थी युनियन महेन्द्र बहुमुखी क्याम्पस इकाई समितिको अध्यक्षमा अश्विन भुजेल

२०७८ पुष १३

विजयपुर । संघीय लोकतान्त्रिक राष्ट्रिय मञ्च अन्तर्गतको संघीय विध्यार्थी युनियनको महेन्द्र बहुमुखी क्याम्पस इकाई समितिको पुनगर्ठन भएको छ । मंगलबार भएको पुनर्गठन कार्यक्रमले अश्विन भुजेलको अध्यक्षता २९ सदस्यीय कार्य समिति र दुई सदस्यीय सल्लाहकार समिति गठन गरेको छ ।

महेन्द्र बहुमुखी क्याम्पस इकाई कार्य समितिको उपाध्यक्षहरुमा प्रमिला राई, कमन राई, सचिवमा झरना राई, सहसचिवमा सगुन राई, कोषध्यक्षमा सृजना लिम्बू छन् । त्यस्तै, सदस्यहरूमा मनिस महत, बविना राई, गृष्मा राई, धीरेन प्रधान, सविन त्रिखत्री, कौशिला इवाहाङ, कृष्टी योङहाङ, सुजता सम्वाहाम्फे, दिनेश सुवेदी, मन्ता सेलिङ, सृजना लिम्बू, आयुशा याक्खा, अनिशा गुरूङ, विनु कुरूम्वाङ लिम्बू, विमला लिम्बू, मनिषा लाओती, प्रतिकला लावुङ, जुली लिम्बू, दिवस थेगिम लिम्बू, विनिशा इजम, रचना लिम्बू, रेवत लिम्बू, लक्ष्मी राई छन् । त्यस्तै, सल्लाहकारहरूमा विकास राउत र मिराक लिङदेन छन् ।

समितिका पुर्व अध्यक्ष मिराक लिङदेनको अध्यक्षतामा भएको कार्यक्रम संघीय विध्यार्थी युनियनका केन्द्रीय उपाध्यक्ष राजेश इवाको प्रमुख आतिथ्यमा भएको थियो । अतिथिहरूमा संघीय विध्यार्थी युनियनका केन्द्रीय सदस्य डिल्ली लुम्फुङ्वा, सुनसरी जिल्ला अध्यक्ष अमर इजम, धरान नगर अध्यक्ष सञ्जुहाङ साँवा, धरान नगर उपाध्यक्ष मोहन तिगेला, अर्जुन खड्का, दीपक लाओती, राम कुमारी लिम्बू, धरान नगर कोषाध्यक्ष ललित पालुङ्वा लगायत नेताहरूको उपस्थिति रहेको थियो । कार्यक्रम सञ्चालन संघीय सचिवालय सदस्य तथा संघीय विध्यार्थी युनियनका केन्द्रीय सल्लाहकार सजन याक्खाले गरेका थिए ।